ceritane yah, akeh sing geget maca

Geh, gara gara nyong nge share blog kie nang Fb ku,

akeh batir2 ku sing melu maca, trus pada ngomong aya kie :

lhaa terus yah, mau kuwe ijig ijig ana 'Bu lurah' 'tangga desa' (sing ora mudeng, maksude kuwe : SS tim sebelah, tapi nyong ra ngerti basa ngapake,hahaha) nulis aya kie :

yakin, pas maca kuwe nyong ijig2 ngakak, trus mlongo *untung langka laler liwat*.

HAH ??

deneng kuwe Bu Lurah bisa ngerti blog kie sih? anu ngerti sekang ngendi kuwe? apa akeh sing nyebar2na ya? *nggaya*

*mikir atos* 

mbasan dipikir2 *kaya tau mikir koe rhe*,

jebule ganu pas urung ana tulisan apa2a, aku tau nulis anu urusan gawean, trus kayane nang 'bu lurah'ku di tidok2na maring 'lurah' liane..KAYANE lho ya...

Alhamdulillah angger akeh sing seneng maring tulisanku, akeh sing mesem mesem..

tapi mbuh ngerti apa ora isine blog ku, nyong ya ora ngerti, hahaha.

ceritane yah, lagi ngode

ceritane nyong lagi ngode, kie sandingane.
Ceritane lho ya, ceritanee....
anu cerita tok jane.
Lah asline nyong lagi ngapa?
Tangane nyuwili coklat. Dicuil sepetil, dilamodi, lebokna cangkem,di mut.
Enak banget yakin kie coklate...
*anu nyong tuku dewek dadi mung enak banget. Angger ditukokna, rasane enake poool...pol2an pokoke. Tapi kayane ora mungkin bojoku gelem nukokna coklat. Anu ora doyan sih. Hahaha*

wis disit ya, tek mangan maning, tangane gupak coklat kie.
Ngodene kapan rhe?
engko bae.
hahahaha

ceritane yah, kie semangate nyong dodolan buku

Critane mau nyong lagi 'kruntelan' karo bojo..
kruntelan si apa? tanggane buntelan? uduu....
kruntelan kuwe intine yah turonan bareng trus glewean,cerita2,ngusek,mijeti tangane bojone, aya kuwe lah pokoke, mudeng mbok? angger ngeres mikire, ngeneh tek sapu pikirane ben resik, hahaha.

mbalik maning,
pas lagi kruntelan, ana kancaku takon, "apa sih sing gawe koe semangat dodolan buku / dadi Book Advisor rhe? ngasi gelem teka adoh2 meng bandung melu annual meeting(ora ngerti basa ngapake) ?"
-perkara Book Advisor karo Annual meeting kuwe apa, aja takon disit, ngko tulih tek jelasna-

kaya kie ceritane....

pas seurunge mbojo, nyong sering mikir.. ngode / dodolan apa yaa sing kepenak, sing ra kesel2 banget tapi tetep entuk duit? kayane lha langka...apamaning nyong mung lulusan SMA, jamane SMA tukang mbolos, tukang turu nang kelas, jan. Aja ditiru ya! hahaha...

lewih ayu nyong ya ketimbang gambar kie, haha

trus ana kanca fesbuk ku (siki dadi Supervisorku, ngko kapan2 tek posting ceritane) sing seriiing banget ngaplot gambar2 buku.. bukune apik2, pas takon regane, deneng larang yaa? hahaha.
tapi mbasan dijelasna lewih detil maning, termasuk angger arep melu dodolan, jane ya murah...tapi genah anu urung mbojo ya.. sidane mikir mbojo disit. Hahaha

bar mbojo, ora mikir suwe, nyong langsung daftar. Ora ngomong karo bojone tapi, mbok domaih, hahaha.
pertama dadi Book Advisor ( dodolan buku), jane esih bingung juga gole nawakna priwe carane..
sewulan, esih isin2 le promo, jarang juga.. 
mlebu wulan ke loro, ijig2 ana wong takon2 rega, trus ngomong arep melu arisan. Rasane seneeeng banget, lha wong kenal be ora koh langsung percaya karo nyong.. Alhamdulillah bangeet...
wulan ke telu, mandan lewih semangat. Entuk 4 peserta arisan.
Trus pas wingi desember, ana kabar, arep ana buku anyar metu. Trus pengenalan produk e nang kantor jogja. Mangkaaat.... !!
pas sedina, sekang uput2 nganti ipit2, alias mangkat seurunge subuh (jam3 esuk) bali gutul ngumah jam 11 wengi.

Kesel ? bangeeet...

tapi nyong seneng. kie lho gawean sing tek golet ket mbiyen. Jane ya ora angel. Lha wong mung gari sering2 apdet status / aplod foto dagangan. Isine ulih nyonto gone kancane. Komisine lumayan gede juga. Minim2e ya satus ewu lah.. mbok akeh angger go tuku krupuk? hahaha.

Tapi ya, nyong kan anu mandan cerdas ( mandan tok lho, setitik cerdase, akeh lengobe), suwe2 bosen angger nyonto kancane terus, nyong njajal nggaweni status dewek, ngutik2 foto dewek..
eh jebule bisa. Horee.... 

kie dora lho, udu aku

Siki nyong nggaweni dewek, nek lagi bebeh nembe nyonto kancane. Tapi sering bebeeh sih. Hahaha...

Alhamdulilah ya, siki aben wulan mesti ana wong sing pengin tuku buku dodolanku. Ora ketang siji loro. Pokoke mule wulan oktober wingi, mesti ana komisi sing mlebu rekeningku. Kena go nambah2 tabungan, nyenengna wong tua/mertua.

Kaya winginane, ana acara nang Bandung, Annual meeting. AJa takon artine apa ya, nyong juga ora ngerti, hahaha.

Nyong pengin melu, kudu mangkat, kudu ulih nang bojone. Alhamdulillah ulih..

temenan, ora ngajog nyong mangkat adoh2. Entuk akeh ilmu sing Insya Allah bener2 bermanfaat go aku, bojoku, keluargaku lan daganganku.

terus yah, nangapa nyong koh semangat banget dodolane, gelem lunga2 adoh.. jane yah, geh tek kandani. Nyong kepengin duwe duit akeh. Kayane tah kabeh wong ya pengine aya kuwe ya?hehe.

Angger duitku akeh, aku bisa nyenengna wongtua/mertua ku, bojoku, keluargaku lan wong liya. Ora dadi beban / tanggungan wong tua terus. Melas. Wis mangsane nyong/bojoku sing nanggung uripe wong tua.

Temenan kie, sekang komisine nyong dodolan buku yah, alhamdulillah setitik2 dikumpulna, alon2 kena go dandan umaeh mertua (nyong esih nunut gone mertua, umaeh gede, mertuaku eman, enak mbok?haha), go tuku emas ( emas murni, udu perhiasan. Nyong ora sneng nganggoni ayakuwe), ditabung.
Pokoke bisa go nyenengna wong akeh, ora ngrepoti. Alhamdulillah.

Kuwe, sing gawe aku tetep semangat dodolan. Pokoke aben wulan kudu rutin entuk komisi ora ketang sejuta (siki sih urung mesti semeno). Disimpen.
Bayarane bojone go maem, blanja nggal ndina..Bayaranku ditabung apa go kebutuhan liya sing kadang ora keduga. Tapi kadang juga go jajan / tumbas2 si. Ya ora papa jane ya, wong duit2ku koh? hahaha.

Dadi siki wis pada ngerti mbok?
yawis ya, nyong ngantuk. Arep turu disit, kie bojone malah wis turu ket mau.

Sugeng ndalu,
sugeng tilem.
*eh, pak sugeng nangendi kie? diundangi deneng ra merek?*

critane yah, kie mandan kaya perkenalan alias greeting

halo hola,
dulur dulur, kie nyong, jenenge Rhea, sekang Cilacap alias ngapak sity, siki uripe nang sokaraja banyumas.. esih ngapak juga, tapi jerene si mandan beda. Bedane apa? embuh.
hahaha
Kie udu blog, caraku kie tah anu panggonan go menumpahkan(basa ngapake apa jal? numplekna?) isi kelapa, eh kepala, alias sirah. Sirah si isine apa? utek mbok? uteke sapa? embuh.
Pokoke yah, nangkene enggone nyong go nulisna apa sing tek pikirna, tek rasakna, tek apak2na pokoke. Apa aku tau mikir si? embuh.
Jane yah, nyong ya wis nduwe blog ganu, ana 2 malahan, tapi kelalen password'e. Jenenge kelalen mbok anu ora kelingan? hahaha

yawis lah, ora usah kesuwen ya, mbok ngantuk.
Angger seneng karo tulisane nyonk, alhamdulillah. ora seneng ya ora papa. Jenenge menungsa, ra kabeh pada. Bener mbok?

kie nyong le nulis arep ngapak / banyumasan terus ya, aja pada protes lho...nek ora mudeng artine jajal takon mbah gugel.. nek langka ya tuku kamus basa cilacap apa basa banyumasan.
Tenang bae, nek nyong ora ngerti basane, ya bakale nganggo basa Indonesia maning, hahaha...
*jane niat apa ora? :D*

salam kenal,
Rhea Lazuardi.